GRAN TIT || Jounal Kreyòl Premye Okazyon Lendi 13 me 2024

AYITI-jounal Kreyol premye okazyon lendi 13 me 2024
1.- Lapolis nasyonal dayiti anonse li reprann kontwol komisarya gresye a ,yon jou apre atak bandi yo kite fose polisye yo abandone espas la . Yon ekip ajan UDMO depatman sid, sides , ajan SWAT ak lot inite espesyalize deja sou plas, yon fason pou reprann kontwol sitiyasyon an epi kontrekare zak bandi yo,dapre PNH la .San yo pa di konbyen prezime bandi ki arete oubyen mouri , PNH la mande popilasyon an pou rete tet fret pandan fos lod yo angajeyo pou trake epi mete anba kob prezime kriminel yo .

2.-Pandan atak bandi yo vandredi pase a , yo boule yon machin nan lakou komisarya, yo boule tou kay majistra Dalida ak yon komise polis, anpil sitwayen oblije kouri kite lakay yo . Atak bandi yo kont komisarya gresye a ogmante jiska 25 kantite pos polis ,ki atake oubyen detwi pou ane 2024 la epi premye sou prezidans konsey prezidansyel tranzisyon an . Nan yon video kap sikile sou rezo sosyal yo nou remake prezans komise gouvenman miragwan nan Jean Ernest Muscadin akonpaye tout ekip li nan espas komisarya gresye a ,aye dimanch la.

3.-Sitiyasyon an toujou rete menm jan nan komisarya jeremi an -Plizye polisye oganize vandredi pase a ,nan jeremi ,yon mouvman pwotestasyon pou egzije yon nouvo direkte depatmantal polis nan plas Louis Edner Hyacinthe . Polisye pwotestate yo denonse move ajisman direkte depatmantal polis la kap sal imaj enstitisyon an.

4.-Anbasade etazini an nan potoprens Dennis Henkins remet samdi pase a ,nan ayopo entenasyonal Tousen louvetu,yon kantite materyel ak direkte jeneral PNH la,Frantz Elbe . Don meteryel sa yo ki pami yo gen blende ,enskri nan kad pwoje pou ranfose kapasite operasyonel PNH la.

Menm jounen an ,otorite yo anonse repriz timid vol komesyal yo nan ayopo entenasyonal Tousen Louvetu ak yon vol kago epi 2 vol konpayi Sunrice ,gras ak ansanm mezi sekirite pou fasilite aktivite yo reprann nan ayopo a . 2 avyon sunrice yo ki soti kap ayisyen pat gen pasaje abo yo men pito materyel mentnans ak antretyen pou lot avyon konpayi a genyen an ayiti .

5.- Toujou nan sousi pou mete anplas mezi sekirite yo tankou démolisyon kay ki nan mi ayopo a , épi prezans solda FADH yo ak Lapolis , dezyem faz pwoje a ki se demolisyon anviwon 80 kay pami yo antrepriz ‘ Kay privé ak l’église lekol ki domine pis ayopo a .
Pwoje sa kite deja lanse depi 9 mwa te vin aksere apre evenman 29 févrie yo kote gen plis pase 400 lot Kay ki twouve yo nan Zon fwaye
Divin lakou Malo , Sarthe , kazo épi dwouya kap gen pou kraze nan jou kap vini yo . Teknisyen yo nan ministe finans déjà fini ak évaluation kay yo, yon fason pou Leta kapab dédomaje pwopriyete yo . La meri taba déjà rankontre majorité propriété yo malgré genyen seten nan pwopriete kay yo ki toujou retisan.

6.-Enstale depi 25 avril Konsey prezidansyel tranzisyon an sanble komanse souke kol – Pou kounya yap cheche yon chef gouvenman. Biwo kominikasyon laprezidans nan yon kominike anonse lansman ofisyel pwosesis pou chwazi yon premye minis pou dirije pwochen gouvenman.
Kandida yo gen soti 13 pou rive 17 me pou depose pyes yo sou pli kachte ,nan vila D’accueil ak nan adres elektwonik [email protected]

7.- Toutfwa ,dapre kominike sa ,se sekte ki fome konsey la ak aderan yo ako 3 avril la ki gen dwa pou adoze candida pou pos premye minis yo .Pyes Kandida yod we akonpaye yon let adezyon sekte ak ako politik la.
Akoz ijans pou mete anplas pouvwa egzekitif tranzisyon an,Kandida pou pos premye minis yo dwe angaje yo atrave yon dokiman ki siyen devan yon note yap soumet pou pita nan 30 jou apre enstalasyon li kom premye minis , pyes sa yo tankou setifika polis oubyen yon kazye jidisye ,deklarasyon definitiv enpo sou revni yo ak yon setifika deklarasyon patrimwan .

8.- Swit aka pel pou depoze kandidati pou pos pemye minis la ,youn nan esktrikti ki reprezante nan konsey prezidansyel la deja andose kandidati ansyen Garry Conille .
Rasanbleman pou yon antant nasyonal prevwa voye yon korespondans bay konsey la lendi 13 me a pou di se Garry Conille yo deziye kom premye minis pou dirije tranzisyon an . Garry Conille te jwe wol premye minis peyi a sou prezidans Michel Martelly soti 17 oktob 2021 pou rive 28 fevriye 2012.

Sa pa gen lontan jij Al Duniel Dimanche te lanse yon manda damne kont Garry conille menm ak plizye lot ansyen premye minis ak lot gwo otorite nan leta pou detounman byen leta ,nan kad dosye CNE a .

9.- Lajistis ak lapolis nan komin aken dekouvri aye dimanch kadav Leclerc jean -Louis ,24 lane kite disparet depi anviwon yon semen ,nan lokalite desalin,10 zyem seksyon kominal aken .
Sibstiti komise gouvenman aken an, met Rousseau Lubin akonpaye lapolis arete 2 endividi pami yon ougan ki pote non Wilson Pierre alyas Balans pou enplikasyon prezime yo nan zak sasinay sa.

Otorite yo jwenn kadav viktim nan mare ak kod ,antere tou kanpe ak yon plante nan lakou peristil ougan ki anmenm tan se yon ed kazek.