Jounal Kreyòl Premye Okazyon Mèkredi 19 Jen 2024

1.- Konsey prezidansyel tranzisyon an ,chef gouvenman, DG PNH la, Frantz Elbe ak dives lot otorite patisipe nan seremoni gradyasyon 455 nouvo polisye ki pral entegre dives inite espesyalize yo tankou UDMO,CIMO, UTAG, POLIFRONT ak BOID .

Prezidan konsey tranzisyon an,Edgard leblanc Fils pwomet soutyen san fay konsey la nan tout operasyon ki vize kwape zak bandi yo ,anvan dewoulman eleksyon yo ,nan lane 2025.

Garry Conille sou bo pal ki pwomet gouvenman li an pral kontinye akonpaye PNH la felisite sans sakrifis polisye yo ki angaje yo nan batay pouu retabli lape nan peyi a.

2.- Pou kontinye manifeste volonte yo pou ede nan deplwaman fos miltinasyonal la ,gouvenman ameriken an otorize depatman deta pou itilize 109 milyon dola nan fon li .

Atrave desizyon sa admnistrayson Biden nan pase sou kote kongre a prensipalman repibliken yo kitap cheche bloke dekesman lajan sa ki vize ede nan deplwaman fos miltinasyonal la,dapre Miami herald .

3.- Ministe defans mande komandan an chef fos lame a lyetnan jeneral Jodel Lessage pou mete fos lame a kondisyon D.

Desizyon sa enskri nan kad priyorite stratejik minis defans la defini, yon fason pou ranfose kapasite operasyonel fos lame a epi bay yon repons efikas ak menas kap peze sou do peyi a .

Mezi sa vize tou raple tout milite kite nan detachman ak yon VIP keklkonk nan objektif pou evalye twoup yo ,nan kad batay kont ensekirite a.

4.-Pwokire federal yo nan peyi etazini mande prizon avi kont Germine Joly,alyas Yonyon ,chef gang 400 mawozo ,dapre Miami Herald .

Yonyon te plede koupab pou akizasyon kontreband zam devan yon tribunal federal ameriken ,swit ak enkilpasyon pou vyolasyon lwa ameriken sou ekspotasyon ak blanchiman lajan.

3 nan konplis , ayisyen kap viv nan eta florid , te resevwa 28 mil dola pou achte plizye dizen zam semi otomatik pou alimante gang ak zam yo nan potoprens .

5.- Premye Minis Garry Conille vizite jounen madi 18 jen an lokal Konsèy Elektoral Pwovizwa a ki chita kò l’ nan komin Petyonvil.

Vizit sa a rantre nan kad misyon gouvènman genyen pou òganize bonjan eleksyon jeneral nan peyi a nan finisman lane 2025 k’ap vin la a.

Pandan pasaj li nan enstitisyon elektoral la, chèf gouvènman an deklare fò’k Leta a avanse vè eleksyon yo.

6.- Federasyon sendika travayè éleKtricité dayiti yo (FESTRED’H) prezante aye madi a yon plan bay konsèy prezidansyèl tranzisyon an k’ap pèmet EDH gen omwen kapasite pou distribiye anviron 150 maga wat kouran.

Yon plan stratejik original 2022-2030 ansyen dirijan EDH yo pat rive reyalize akoz pwoblèm lajan.
Nan sans sa fédérasyon an mande konsèy prezidansyèl la ak nouvo gouvènman tranzisyon an pou cheche rekipere anviwon 25.2 milya goud EDH gen deyò nan men sektè prive a, enstitisyon piblik yo ak nan men popilasyon an.

Prezantasyon : Dieuseul GUERRIER & Johnny FERDINAND
Meteyo : Chrisnette SAINT-GEORGES
Tansyon Lari : Mackenson RÉMY 4×4
Pwodiksyon : Jean-Claude DOLCÉ
kowòdinasyon : Peterson LUXAMA
Redaksyon : Dieuseul GUERRIER
Reyalizasyon ak Sou Entènèt : Jack thedd Jr Dieudonne & Jimmy Cly Théagène