Jounal Kreyòl Premye Okazyon || Vandredi ?8 Jen ????

1.- Livre san prezans polisye depi kek tan , bandi ak zam yo kontinye ap boule , kraze preske tout batiman piblik ak antrepriz prive ki twouve yo nan komin kwadebouke.

Pou Selman aye jedi a ,bandi 400 mawozo yo tante boule lokal DGI a ak meri a komin nan kote plizye ekipman ak machin enstitisyon an pase anba flanm dife .

2.-Minis jistis la,met Carlos Hercule deside mete an disponiblite komise gouvenman okay la,met Ronald Richemond swit ak dives plent li resevwa kont komise a nan kad egzesis fonksyon li kom gouvenman gouvenman okay .

Nan korespondans sa ki pote dat 27 jen ,minis jistis la dil pran desizyon sa ,nan sousi pou fe verite blayi epi pou garanti enpasyalite yon komisyon kap gen pou mennen anket sou dosye sa .

An atandan se sibstiti komise gouvenman James Jean- Louis ki nonmen kom nouvo komise gouvenman Ai pake vil okay .

3.-SOS jounalis felisite desizyon chef gouvenman ak minis jistis la pran pou mete sou kote komise gouvenman okay la,Ronald Richemond .

SOS jounalis raple komise Richemond te fabrike 2 fo odonans ak fo siyati jij enstriksyon Ribert Jourdain pou libere seten prizonye kite enplike nan asasina Tess Garry a ,pami yo Wilkens Thirogene .
SOS jounalis ki mande gouvenman pou bay jij enstriksyon Jean Michelet Seide ,kap Mennen anket sou asasina jounalis la ,mwayen ak sekirite pou li kapab fe travay li ankouraje otorite lajistis yo pou mete endiksyon depa kont ansyen komise gouvenman okay la,Ronald Richemond .

4.-Premye minis Garry Conille rankontre ak manm asosyasyon endistri dayiti yo (ADIH) pou diskite sou yon seri gwo defi ekonomik ak endistriyel epi mezi ki dwe adopte ,yon fason pou bay yon lot souf ak ekonomi peyi a .

Egzonerasyon taks sou enpotasyon matye premye yo,amelyorasyon pwosesis dwanye yo, ranfosman kontwol fwontye yo ak soutni renouvelman lwa Hope Help la se kek sije kite nan mitan diskisyon yo ,dapre biwo kominikasyon primati a.

Garry Conille souliye angajman gouvenman lap dirije a nan bat kont koripsyon epi mete ajou sistem fiskal la ki dwe an pran an konsiderasyon reyalite ekonomik yo .

5.-Lansman ofisyel fowom nasyonal oganizasyon sosyete sivil la kap dewoule soti 27 rive 28 jen 2024 la ,anba tem patisipasyon jen yo ak fanm yo nan pwosesis tranzisyonel la.

Premye minis Garry Conille salye wol fanm ak jen yo nan pwosesis tranzisyon an.

Chef gouvenman ki estime defi yo anpil mande rezo oganizasyon fanm ak jen yo atrave peyi a pou angaje yo nan batay la epi akonpaye gouvenman ,yon fason pou mobilize majorite popilasyon an pou reyisit tranzisyon an.

6.-Louino Volcy se nouvo chafe dafe ayiti nan peyi lafrans- se aye jedi a seremoni pasasyon an dewoule ant anbasade Josue Dahomey ak Louino Volcy ki pwofite remesye minis afe etranje a,Dominique Dupuy pou konfyans li plase nan li .
Laetisia Belizaire sou bo pal enstale aye jedi a tou kom konsil jeneral dayiti nan Miami .

Prezantasyon : Dieuseul GUERRIER & Johnny FERDINAND
Meteyo : Chrisnette SAINT-GEORGES
Tansyon Lari : Mackenson RÉMY 4×4
Pwodiksyon : Jean-Claude DOLCÉ
kowòdinasyon : Peterson LUXAMA
Redaksyon : Dieuseul GUERRIER
Reyalizasyon ak Sou Entènèt : Jack thedd Jr Dieudonne & Jimmy Cly Théagène