Jounal Kreyòl Premye Okazyon jedi 27 Jen 2024

1.- Nap reprann peyi nou kay pa kay, katye pa katye ak vil pa vil, deklarasyon premye minis Garry Conille aye mekredi a, nan kad vizit li nan baz fòs miltinasyonal la nan zon Clercine,komin taba .

Chèf primati a te pwofite salye peyi kenya ki daprè li aksepte pran tèt fòs miltinasyonal la, k’ap gen pou travay bò kote lapolis ak lame a pou retabli sekirite nan peyi a .

Premye minis Garry Conille mande Popilasyon an pou rete konfyan ak vijilan paske daprè sal di gouvènman l’ap dirije a ap travay ak patnè li yo,yon fason pou reprann kontwòl peyi a .

2.-Gouvenman kanada anonse yon nouvo finansman 5,7 milyonn dola kanadyen pou soutni deplwaman misyon miltinasyonal pou apiye sekirite nan peyi a.

Lajan sa pral depoze nan fon espesyal nasyon zini kreye pou fos miltinasyonal la vin ajoute sou 80.5 milyon gouvenman kanada te anonse nan mwa fevriye pase a . 5,7 milyon dola pral ede nan ranfosman polis nasyonal la , yon fason pou retabli sekirite nan peyi a

3.- Sitwayen yo nan kapital la pwononse yo sou deplwaman fos miltinasyonal la ki komanse foule sol la .

Si yon kategori sitwayen kwĕ se yon premye pa ki ta dwe mennen nan ranfose kapasite PNH la ak lame a , seten lot konpatriyot di yo pa gen okenn atant sou prezans twoup etranje yo, yo di ki pat pote okenn rezilta pandan pasaj solda nasyon zini yo ki pito kite yon move gou nan bouch popilasyon an.

4.-Responsab defenseur plus la, Antonal Mortimé di li pran nòt konsenan premye kontenjan Kenyan ki antre nan peyi a nan lide pou retabli sekirite nan peyi a.

-Antonal Mortimé swete responsab leta yo pran responsabilite yo nan lide pou prepare aprè ale fòs la.

Responsab kolektif la mande otorite leta yo pou pase lòd ak ministè sante piblik pou yo fè tès medikal avan yo epapiye yo nan kapital la.

5.-Tout kontraktyel kite afekte nan pale nasyonal yo gen obligasyon pou retounen bay enstitisyon an tout materyel ki nan men yo .

Nan not sa,sekretarya jeneral prezidans ki mande ak tout ansyen kontraktyel ak ajan fonksyon piblik pale nasyonal pou retounen bay enstitisyon an byen ak materyel kite a dispozisyon yo nan kad travay yo raple desizyon sa pran nan kad reyalizasyon envante resous materyel enstitisyon an.

Konsene yo gen jiska lendi 1e jiye pou Mennen tounen nan direksyon zafe administrative ak finansye tout materyel ak ekipman tankou machin yo genyen nan men yo .

Prezantasyon : Dieuseul GUERRIER & Johnny FERDINAND
Meteyo : Chrisnette SAINT-GEORGES
Tansyon Lari : Mackenson RÉMY 4×4
Pwodiksyon : Jean-Claude DOLCÉ
kowòdinasyon : Peterson LUXAMA
Redaksyon : Dieuseul GUERRIER
Reyalizasyon ak Sou Entènèt : Jack thedd Jr Dieudonne & Jimmy Cly Théagène