Jounal Kreyòl Premye Okazyon Jedi 20 Jen 2024

1.-Arete ki nonmen pwochen Normil Rameau kom pwochen DG PNH la deja siyen ,nan konsey minis yo ki dewoule aye mekredi a .

-Ansyen DCPJ ,Normil Rameau kite deja okipe pos sa pandan anviwon 15 mwa pral ranplase Frantz Elbe ki li menm te okipe fonksyon sa pandan plis pase 2 lane .

Konsey minis yo siyen tou Arete ki nome nouvo Direkte jeneral pwoteksyon sivil la Emmanuel Pierre

2.-Rezo Nasyonal k’ap Defann Dwa Moun yo (RNDDH) salye nominasyon Normil Rameau kom nouvo direkte jeneral PNH la.

Direktè egzekitif Rezo a ki kalifye kom katastrofik pasaj Frantz Elbé nan tèt polis la fè konnen yo pral mande pou gen yon odit ki fèt sou administrasyon ansyen DG a.

Defansè dwa moun nan Kwè si nouvo Dg a jwenn sipò gouvènman an l’ap rive konbat bandit ak kravat epi sa ki ak sapat yok ap mache teworize popilasyon an.

3.- Kantite sitwayen ayisyen ki kouri kite kay yo akoz vyolans gang ak zam ki ogmante depi mwad mas pase a , rive a prèske 600 mil 000 deplase ,dapre Òganizasyon Entènasyonal pou Migrasyon (OIM).

Ayiti nap raple ap soufri anba yon enstabilite politik kwonik depi plizyè dizèn lane. Dènye mwa yo, peyi a te oblije fè fas ak yon ogmantasyon egzajere zak vyolans gang yo ki kontwole 80% kapital la Pòtoprens.

4.-Unyon nasyonal nòmalyen ayisyen (UNNOH) denonse divès fo pa premye minis Gary Conille ta deja kòmanse fè nan tèt peyi a .

Selon UNNOH Garry Conille pa ta respekte pwomès li te fè nan diskou li pou pa livre 4 ministè regalyen yo nan men politisyen.

UNNOH denonse tousèten aktè nan sosyete a ki chwazi fè silans sou ansanm fo pa nouvo premye minis lan ta deja fè nan tèt gouvènman .

5.- Bandi ak zam atake yon bis ki soti kafou klesin pou ale kwabosal byen bone nan maten mekredi a. Bilan plizye moun blese ak 3 lot mouri ,pami yo 2 gason ak yon fi.

Sant nasyonal ouragan yo ki baze nan peyi etazini anonse fomasyon yon premye tanpet pou sezon siklonik la ane sa .

Alberto ki twouve li nan zon les peyi meksik ak nan sides Texas ,ozetazini pa reprezante okenn danje pou ayiti ,dapre inite idwometewolojik dayiti (UHM).

Prezantasyon : Dieuseul GUERRIER & Johnny FERDINAND
Meteyo : Chrisnette SAINT-GEORGES
Tansyon Lari : Mackenson RÉMY 4×4
Pwodiksyon : Jean-Claude DOLCÉ
kowòdinasyon : Peterson LUXAMA
Redaksyon : Dieuseul GUERRIER
Reyalizasyon ak Sou Entènèt : Jack thedd Jr Dieudonne & Jimmy Cly Théagène