Jounal Kreyòl Premye Okazyon lendi 24 Jen 2024

1.- Deplwaman fos milti nasyonal la an ayiti- Twoup kenyan yo ta dwe kite peyi yo demen madi a ,direksyon ayiti .

Se sa yon sous nan nivo gouvenman ak lapolis kenya deklare bay AFP. Bo kote otorite yo an ayiti pa gen okenn kominikasyon sou dosye sa jiska maten lendi a . Misyon sa ki prevwa genyen yon total 2500 polisye ak solda ap gen pou rive youn apre lot nan peyi a, dapre konsey sekirite nasyon zini yo .
Plizye lot peyi apre kenya ap gen pou patisipe nan misyon sa tankou Bénin, Bahamas, Bangladesh, Barbade ak Tchad.

2.-Siyati Vandredi pase a yon ako sou statu misyon miltinasyonal kap gen pou deplwaye nan peyi a ant reprezantan ai peyi dayiti bokote OEA,Gandy Thomas ak anbasade kenya ozetazini ,Lazarus Amayo .

Dokiman sa kise yon antant jidirik ant ayiti ak lot peyi kap gen pou deplwaye polisye oubyen solda nan fos miltinasyonal la vize klarifye fason twoup yo dwe konpote yo nan peyi a , lokalizasyon baz yo ak deplasman yo .

Siyati antant jiridik sa kite depoze nan OEA se yon etap enpotan ki dwe akselere deplwaman fos miltinasyonal la , dapre reprezantan espesyal sekrete jeneral OEA an ayiti, Christobal Dupouy.

3.-Gouvenman kanada anonse li pran sanksyon kont 3 chef gang kap teworize popilasyon sivil la an ayiti.

Luckson Elan, chef gang (gran grif), kap opera nan depatman latibonit ,Gabriel Jean Pierre alyas Ti grabriel ,chef gang katye Brooklyn nan site sole yak Ferdens Tilus ,gang kokorat san ras ,toujou nan depatman latibonit .

Antretan fineray senbolik 3 ajan UTAG yo chante vandredi pase a ,nan lekol nasyonal polis la .Bandi kowalisyonn viv ansanm yo te asasinen Polisye sa yo epi boule kadav yo ,nan delma 18 ,dimanch 9 jen pase a.

4.-Misyon gouvenman tranzisyon an se soti peyi a nan kriz politik la,rezoud pwoblem ensekirite a epi oganize eleksyon pou remet pouvwa bay sila yo kap soti nan pwochen eleksyon yo.

Se konsa premye minis Garry Conille te pale nan finisman retret gouvenmantal 2 jounen li te oganize vandredi ak samdi pase a.

Garry Conille envite minis yo priyorize entere peyi a nan tout desizyon yap gen pou pran pandan period 22 mwa sa .

5.-Pòt lopital jeneral , pi gwo Sant ospitalye peyi a toujou rete fèmen depi anviwon 3 mwa akòz pwoblèm ensekirite a. Klinik doulè ki t’ap fonksyone nan lopital sa a transfere nan lopital lapè , se sa medsen yo fè konnen.

Klinik doulè, se yon antite nan lopital sa a ki la , pou asiste pasyan ki soufri ak yon maladi kwonik tankou kansè ak atwoz. Okazyon pou medsen yo te retounen sou wòl klinik doulè a ak fason yo asiste moun ki ap soufri ak yon maladi kansè ki rive nan dènye faz li.

6.-Sendika Nasyonal Polisye Ayisyen yo fè plizyè rekòmandasyon ak nouvo direktè jeneral a.i. PNH la, Rameau NORMIL .

Pòtpawòl SPNH-17 la, Synci Domond, plede an favè yon pwosesis sètifikasyon sa yo rele (vetting) anndedan PNH la; onè ak distenksyon pou rèsponsab komisarya ak ajan yo; bonjan ekipman ak zam pou polisye yo; asirans sante, badj, grad ak sipò pou fanmi polis viktim yo.

Prezantasyon : Dieuseul GUERRIER & Johnny FERDINAND
Meteyo : Chrisnette SAINT-GEORGES
Tansyon Lari : Mackenson RÉMY 4×4
Pwodiksyon : Jean-Claude DOLCÉ
kowòdinasyon : Peterson LUXAMA
Redaksyon : Dieuseul GUERRIER
Reyalizasyon ak Sou Entènèt : Jack thedd Jr Dieudonne & Jimmy Cly Théagène