En Direct | Premye Okazyon | 22 Juin 2022

Premye Okazyon | 22 Juin 2022
Présentation : Roberde CÉLINÉ (Bob C.), Dieuseul GUERRIER & Pierre-Renel RENÉ (PRR).
Météo avec Chrisnette SAINT-GEORGES.
Kijan Potoprens leve maten an? avec Mackenson RÉMY (4*4).

Les titres
1.- Divès antrepriz manm asosyasyon endistri dayiti (ADIH) menase femen pot yo fas ak fenomen ensekirite jeneralize ki genyen nan peyi a.
Sitiyasyon sekirite peyi a pa bon ditou ,dapre asosyasyon an ki denonse dwan nan ki pa fonksyone depi kek jou ,sa ki lakoz gen rate anpil pwodwi moun manje yo. Li difisil tou pou voye pwodwi nasyonal yo al vann nan peyi letranje.
Grèv an seri nan administrasyon jeneral dwan yo paralize aktivite chak jou antrepriz yo ,enpotate ak ekspotate yo an jeneral ,dapre ADIH ki anonse seten ladan yo oblije revoke yon kantite ouvriye nan fen mwa jen an.

2.- Si sitwayen atrave tout peyi a ap plenyen akoz rate gaz sou mache nasyonal la ,ministe komes ak endistri kontinye ap repete pa gen rate gaz nan peyi a ,dapre minis komes la.
Ricardin St Jean eksplike prensipal teminal yo toujou livre gaz,men y opa rive nan diferan stasyon sevis ki genyen nan kapital la, yo pito al vann yo sou mache enfomel la.
Ministè a pran dipozisyon pou rezoud pwoblem sa kote gen enspekte ministe a ki pral deplwaye pou verifye ponp gaz yo ,dapre minis Ricardin St jean.

3.- Minis edikasyon nasyonal ak fomasyon pwofesyonèl la vizite aye madi a sant egzamen ki nan lise nasyonal petyon vil la.
Okazyon pou minis Manigat te dyaloge ak kèk kandida sou dewoulman eprèv yo ak sa yo wè ki ta merite korije pou nouvèl ane eskolè a.
Reponsab edikasyon an ki dil satisfè konsenan dewoulman eprèv sa yo pwofite raple elèv Torcel AK Pénye yo ki pat ka konpoze avan yé lendi a ,gen dispozisyon ki pran pou elèv sa yo kapab refè egzamen yo kòmsadwa.

4.- FINCA Haiti kise yon antrepriz mikwo finans demanti piblikasyon yon videyo kap sikile sou rezo sosyal yo kita fe kwe bandi te atake lokal enstisyon an nan komin petyonvil.
FINCA HAITI presize yo pa gen okenn nan biwo yo ki atake sou teritwa nasyonal la.
Daprè Eskpè nan zafè sekirite antrepriz la ensidan sa pase pito nan peyi brezil 20 jen pase a ,dapre yon not klarifikasyon ki pote siyati direkte jeneral FINCA HAITI a, Hamidine Bako.

5.- Fos lod yo nan komin kwadebouke libere nan zon beudet ,yon jenn gason 29 lane 5 bandi ak zam te kidnape nan santo 19 ,lendi pase a.
Viktim nan te abo yon machin Hummer h3,ane 2006. lapolis rive rekipere machin nan men bandi yo rive chape pou l yo.
Antretan bandi ak zam kidnape Amizia Jean Osner kite abo yon pickup Nissan frontier nwa aswe madi a ,nan zon rantre mon laza ,komin petyonvil . Bandi yo te abo 2 machin pami yo yon pickup plak sevis leta SE-01449 ki abandone nan zon nan.

6.- Sekte demokratik ak popile a di li prewokipe akoz zak ensekirite yo kap ogmante nan peyi a espesyalman nan zon metwopoliten potoprens la.
Sitiyasyon sa tradwi enkapsite yon leta ki pa kapab garanti sekirite sitwayen li yo. SDP lonje dwet sou pouvwa PHTK ki demantibile epi afebli leta pandan 10 lane ki pase yo.
SDP alye pouvwa mande chef gouvenman pou konvoke yon dyalog politik miltilateral ,yon fason pou angaje yon deba nasyonal sou sekirite sitwayen yo,stabilite politik ,jistis ak gouvenans peyi a.

7.- Yon ti avyon kite soti repiblik dominiken fe yon aterisaj fose nan ayopo Miami an aye madi a.
4 sou 151 moun kite nan vol sila soti blese ,dapre otorite yo.

Coordination : Peterson LUXAMA.
Rédaction : Dieuseul GUERRIER.
Réalisation et mise en ligne : Mysuel THIMOTEE.